Si Cinpin Cənubi G20 sammitinə qatılmayacaq

Çin Xalq Respublikasının sədri Si Cinpin  noyabrın 22-də Yohannesburqda keçiriləcək G20 sammitində iştirak etməyəcək. Bu barədə  “Bloomberg” məlumat yayıb.

Sammitdə Çin nümayəndə heyətinə Baş nazir Li Syan rəhbərlik edəcək. Si Cinpinin iştirak etməməsinin səbəbi açıqlanmayıb.

ABŞ Prezidenti Donald Trampın da sammitə getməkdən imtina etməsindən sonra bu qərar Cənubi Afrika üçün əlavə çətinlik yaradıb. Nəticədə tədbirdə dünyanın iki ən böyük iqtisadiyyatının və Rusiya prezidentinin iştirakı gözlənilmir.

Pandemiyadan sonra Si Cinpin beynəlxalq səfərləri minimuma endirərək, Pekinin “daxili diplomatiya” adlandırdığı regional əməkdaşlıqlara üstünlük verir.