Böyük Britaniyada qanunsuz miqrantların daimi qalma qaydaları sərtləşdirilir

Böyük Britaniya hakimiyyəti qanunsuz miqrantların ölkədə daimi yaşamaq hüququ əldə etməsi üçün gözləmə müddətini dörd dəfə artıraraq 20 ilə çatdırmağı planlaşdırır.Bu barədə Böyük Britaniyanın daxili işlər naziri Şabana Mahmud BBC telekanalına açıqlamasında bildirib.

Nazirin sözlərinə görə, yeni islahat uzun illər formalaşmış təsəvvürləri dəyişəcək və sığınacaq verilməsinin tez bir zamanda daimi yaşayış icazəsi ilə nəticələnməsi praktikasına son qoyacaq. Onun qeyd etdiyinə görə, sistem daha uzunmüddətli müvəqqəti status modelinə keçəcək və hər iki ildən bir vəziyyətin qiymətləndirilməsi aparılacaq.

Mahmud həmçinin bildirib ki, əgər qaçqının gəldiyi ölkə bu müddət ərzində geri qayıtmaq üçün təhlükəsiz hesab olunarsa, həmin şəxs vətəninə göndəriləcək.