Gürcüstanın keçmiş müdafiə naziri 5 il 3 ay müddətinə həbs olunub

Gürcüstanın keçmiş müdafiə naziri İrakli Okruaşvili 7 il müddətinə azadlıqdan məhrum edilib.

Bu barədə hökmü Tbilisi Şəhər Məhkəməsi elan edib.

Amnistiyanın tətbiqi ilə həbs cəzası 5 il 3 ay müəyyən edilib.

Sabiq nazir 2004-cü ildə törədilmiş 19 yaşlı Buta Robakidzenin qətli ilə bağlı iş üzrə vəzifə səlahiyyətlərindən sui-istifadədə ittiham olunub. Okruaşvili həmin dövrdə Gürcüstanın daxili işlər naziri vəzifəsini tutub.