ABŞ narkotik ticarəti gəmisinə zərbə endirdi

ABŞ Cənub Komandanlığı bildirib ki, yanvarın 23-də ABŞ Müdafiə Naziri Pit Heqsetin göstərişi ilə Cənub Dənizi Birgə Əməliyyat Qüvvələri terror təşkilatları tərəfindən idarə olunduğu iddia edilən gəmiyə ölümcül zərbə endirib.

Komandanlığın açıqlamasında qeyd olunub ki, kəşfiyyat məlumatları gəminin Şərqi Sakit okean bölgəsində narkotik qaçaqmalçılığı üçün istifadə olunan məlum marşrutlar üzrə hərəkət etdiyini və qeyri-qanuni narkotik daşınmasında iştirak etdiyini təsdiqləyib.

Zərbə nəticəsində iki nəfər həlak olub, bir nəfər isə sağ qalıb. Bildirilib ki, əməliyyatdan dərhal sonra ABŞ Cənub Komandanlığı sağ qalan şəxsin axtarışı və xilas edilməsi üçün ABŞ Sahil Mühafizəsinə məlumat verib.