Lavrov MDB ölkələrinin səfirləri ilə görüşüb

Rusiya xarici işlər naziri Sergey Lavrov Moskvada Müstəqil Dövlətlər Birliyinə (MDB) üzv ölkələrin Rusiyada akkreditə olunmuş səfirləri ilə ənənəvi görüş keçirib.Bu barədə Rusiya XİN məlumat yayıb.

Görüşdə Azərbaycanın səfiri Rəhman Mustafayev də iştirak edib. Tədbirdə həmçinin MDB baş katibi Sergey Lebedev və digər Avrasiya iqtisadi strukturlarının rəhbərləri də yer alıb.

Görüş iştirakçıları aktual beynəlxalq mövzular ətrafında fikir mübadiləsi aparıblar və 2025-ci ildə Avrasiya inteqrasiya birlikləri çərçivəsində çoxtərəfli əməkdaşlığın nəticələrinə yekun vurublar.

Nazirliyin yaydığı bəyanatda bildirilib ki, yaxın perspektivdə xarici siyasətin koordinasiyasının gücləndirilməsi, ticarət-iqtisadi və mədəni-humanitar sahələrdə əlaqələrin genişləndirilməsi və regional təhlükəsizliyin təmin olunması üzrə prioritetlər müəyyən edilib.