Mirzoyan AŞPA rəhbəri ilə İrəvan və Bakı arasında sülh prosesindən danışıb

Ermənistanın xarici işlər naziri Ararat Mirzoyan Strasburqa işgüzar səfəri çərçivəsində Avropa Şurası Parlament Assambleyasının (AŞPA) yeni seçilmiş prezidenti Petra Bayr ilə görüşüb.Bu barədə “Armenpress” xəbər verir.

Görüşdə regional təhlükəsizlik və sülh prosesi müzakirə mövzularından biri olub.

Mirzoyan 8 avqust razılaşmaları nəticəsində Ermənistan və Azərbaycan arasında əldə olunmuş irəliləyişlərdən danışaraq, sülhün möhkəmləndirilməsi istiqamətində atılan addımları təqdim edib.

Tərəflər həmçinin parlamentlərarası əməkdaşlığın vacibliyini və humanitar xarakterli məsələlərin həlli yollarını nəzərdən keçiriblər. Nazir AŞPA-nın Ermənistan üçün prioritet təşkil edən məsələlərdə göstərdiyi ardıcıl dəstəyə görə minnətdarlığını ifadə edib.