Harvard alimi cənnətin yerini tapıb

Harvard Universitetinin fizika fakültəsinin keçmiş professoru Maykl Gillen bildirib ki, Bibliyada təsvir olunan Cənnət kainatın müşahidə edilə bilən sərhədindən — kosmik üfüqdən kənarda yerləşə bilər.

Onun sözlərinə görə, bu nəticə Edvin Habblın kainatın genişlənməsi qanununa və Albert Eynşteynin nisbilik nəzəriyyəsinə əsaslanan nəzəri mülahizələrə söykənir. Gillen hesab edir ki, kosmik üfüqdən kənarda obyektlər işıq sürəti ilə uzaqlaşır, zaman faktiki olaraq dayanır və məkan keçmiş, indiki və gələcək anlayışlarından kənarda mövcuddur.

Alimin fikrincə, bu xüsusiyyətlər dini mətnlərdə təsvir edilən ali Cənnət anlayışı ilə səsləşir. O, bu sahəni maddi dünyanın fövqündə yerləşən, adi məkan və zaman qanunlarına tabe olmayan bir məkan kimi şərh edir.

N.Təbrizli