Bir gündə 69 cinayətin üstü açılıb

Azərbaycanda polis tərəfindən son 24 saat ərzində 69 cinayət hadisəsi açılıb, əvvəlki dövrlərdən bağlı qalan 20 işin üstü də aydınlaşdırılıb. Bu barədə Daxili İşlər Nazirliyi-nin Mətbuat Xidməti məlumat yayıb.

Məlumata əsasən, axtarışda olan ümumilikdə 156 nəfər saxlanılaraq aidiyyəti üzrə təhvil verilib. Onlardan 119 nəfər borclu şəxs qismində axtarışda olub.

Hesabat dövründə narkotiklərlə bağlı 43 fakt, qanunsuz silah-sursatın saxlanılması və aşkarlanması üzrə isə 38 hal müəyyən edilib.

Bundan başqa, cinayət törətməkdə şübhəli bilinən 87 nəfər saxlanılıb.

Gülnar Nazimqızı