Azərbaycanda iki gündə 97 cinayətin üstü açılıb

Azərbaycanda aprelin 25-26-da qeydə alınan 90 cinayət və əvvəlki dövrlərdən bağlı qalan 7 faktın açılması təmin edilib. Bu barədə Daxili İşlər Nazirliyi məlumat yayıb.

Qurumun açıqlamasına görə, axtarışda olan ümumilikdə 61 nəfər, o cümlədən borclu şəxs qismində axtarılan 30 nəfər saxlanılaraq aidiyyəti üzrə təhvil verilib.

Hesabat dövründə narkotiklərlə bağlı 39 fakt, qanunsuz saxlanılan silah-sursatın götürülməsi və aşkarlanması ilə bağlı isə 6 hadisə müəyyən edilib.

Eyni zamanda, cinayət törətməkdə şübhəli bilinən 82 nəfər polis əməkdaşları tərəfindən saxlanılıb.

Gülnar Nazimqızı