Neyropsixoloq: Dünyada hər yeddi uşaqdan biri psixi problemlərlə üzləşir

Dünyada hər yeddi uşaqdan biri psixi problemlər yaşayır və uşaqların akademik nəticələrinin zəifləməsi çox vaxt sosial problemlərlə bağlı olur.
Bunu beyin inkişafı üzrə mütəxəssis, neyropsixoloq Aytəkin Aslan Bakıda “Dayanıqlı inkişaf: ailə, qadın və uşaq siyasəti” mövzusunda keçirilən konfransda çıxışı zamanı bildirib.

Onun sözlərinə görə, UNICEF-in hesabatlarında uşaqların təhsil nəticələrinə təsir edən əsas amillər sırasında sosial mühit, ailə münasibətləri və psixoloji rifah xüsusi yer tutur.

“Region ölkələrində son illərdə uşaqlarda diqqət narahatlığı və sosial əlaqələrin zəifləməsi müşahidə olunur",- Aslan qeyd edib.

O bildirib ki, bu tendensiyalar uşaq siyasətində psixoloji dəstək, erkən müdaxilə və ailə ilə məktəb arasında əməkdaşlığın gücləndirilməsini daha aktual edir.

Gülnar Nazimqızı