Dünyada 2 milyard hektardan çox torpaq deqradasiyaya məruz qalıb- Muxtar Babayev

Dünyada 2 milyard hektardan çox torpaq deqradasiyaya məruz qalıb. Bunu Azərbaycan Respublikası Prezidentinin iqlim məsələləri üzrə nümayəndəsi Muxtar Babayev Aqrobiznesin İnkişafı Forumunda deyib.

"FAO-nun məlumatına görə, dünyada 2 milyard hektardan çox torpaq deqradasiyaya məruz qalır. Hər il isə milyonlarla hektar torpaq öz məhsuldarlığını itirir. Digər tərəfdən, davamlı quraqlıq məhsuldarlığın azalmasına səbəb olur. Su ehtiyatlarının məhdudlaşdırılması torpağın keyfiyyətini aşağı salır. İntensiv yağıntılar və daşqınlar isə münbit torpaq qatını yuyur, eroziyanı sürətləndirir, kənd təsərrüfatı infrastrukturuna zərər vurur, məhsulun vaxtında bazara çıxarılmasını çətinləşdirir.",- o bildirib.

Aytac  Zeynalova