Deputat: Sahibkarlar məsuliyyəti dövlətə yükləyir

Bəzən məhsul istehsal edilsə də, satıla bilmir və bu zaman məsuliyyət dövlətin üzərinə qoyulur, halbuki ilkin maraq sahibkarın özündə olmalıdır. Bunu Milli Məclisin Aqrar siyasət komitəsinin deputatı Tahir Rzayev deyib.

"Müasir dövrdə texnologiya və süni intellektin sürətli inkişafı fonunda yanaşmalar yenilənməlidir. Bu yenilənmələr həyata keçirilməzsə, gələcək uğurlara nail olmaq çətin olacaq. Ölkədə sağlam və effektiv iqtisadi mühitin formalaşdırılması üçün həm dövlətin, həm də özəl sektorun üzərinə mühüm məsuliyyət düşür",- o bildirib.

Deputat dövlətin bazara birbaşa müdaxiləsinin məqsədəuyğun olmadığını vurğulayıb.

"Biz azad sahibkarlıq prinsiplərinə əsaslanırıq və bazarı əsasən sahibkarın özü tənzimləməlidir. sahibkarlar bazar tələbatını düzgün araşdırmalı, istehsal planlarını buna uyğun qurmalı və məhsulların dəyərini əvvəlcədən düzgün qiymətləndirməlidirlər",-o bildirib.

Aytac Zeynalova