Ötən il 914 min ton bitkiçilik məhsulu xarici bazarlara çıxarılıb

Hazırda qida təhlükəsizliyi reyestrində 83 min obyekt və subyekt qeydiyyatdadır. Eyni zamanda 38 ölkə ilə qida təhlükəsizliyi sistemlərinin ekvivalentliyi tanınıb. Bunu Qida Təhlükəsizliyi Agentliyinin sədr müavini Zəkiyyə Mustafayeva deyib.

"Azərbaycan Çin Xalq Respublikasına çıxışın təmin olunması istiqamətində artıq konkret addımlar atılıb və bu il fındıq və badam məhsullarının ixracı üçün müvafiq icazələr əldə edilib. Bununla yanaşı, ötən il rekord həcmdə xurma məhsullarının ixrac olunub, ümumilikdə isə 914 min ton bitkiçilik məhsulunun xarici bazarlara çıxarılıb. Birləşmiş Ərəb Əmirlikləri kimi yüksək tələblərə malik bazarlarla əməkdaşlıq da genişlənib. Bu il ət, süd, dəniz məhsulları, bal və arıçılıq məhsulları üzrə baytarlıq sertifikatları razılaşdırılıb", - Mustafayeva vurğulayıb.

Onun sözlərinə görə, Azərbaycanda qida təhlükəsizliyinin təmin edilməsi üzrə 2019–2025-ci illəri əhatə edən Dövlət Proqramı uğurla icra olunub, eyni zamanda növbəti 7 il üçün yeni qida təhlükəsizliyi strategiyası və qanunvericilik bazası təsdiqlənib.

"Qida təhlükəsizliyi sahəsində avtomatlaşdırılmış informasiya sistemi vasitəsilə ixrac və idxal prosedurları tam elektronlaşdırılıb.  Bitkiçilik təsərrüfatlarında qida təhlükəsizliyi qeydiyyatı və monitorinqlərin aparıldığı, profilaktik tədbirlərin gücləndirildiyi də qeyd olunub. Həmçinin ətraf mühitin və bitki sağlamlığının qorunması istiqamətində tədbirlər görülüb,  uzun illər ərzində yığılan 1351 ton yararsız pestisid və çirklənmiş torpaq qatının Ağstafa, Beyləqan, Samux, İmişli və Füzuli rayonlarından toplanaraq xüsusi poliqonda zərərsizləşdirilib. Bu istiqamətdə digər rayonlarda da işlərin davam etdirilməsi planlaşdırılır", sədr əlavə edib.

Aytac Zeynalova