Azərbaycan üzərindən Ermənistana növbəti tranzit yüklər göndəriləcək

Azərbaycandan tranzit keçməklə Ermənistana daha bir yük partiyasının göndərilməsi planlaşdırılır, bu barədə Azərbaycan Dəmir Yolları məlumat yayıb.

Qurumun açıqlamasına görə, növbəti tədarük çərçivəsində 2 vaqon alüminium (ilk dəfə) və 9 vaqon taxılın daşınması nəzərdə tutulur.

Məlumatda qeyd olunub ki, artıq bu gün də Rusiyadan Azərbaycandan tranzitlə Ermənistana göndərilən yüklər çərçivəsində 8 vaqon (543 ton) gübrə və 10 vaqon (695 ton) taxıl Biləcəri dəmir yolu stansiyasından yola salınıb.

Tranzit daşımalar regionda iqtisadi əlaqələrin genişləndirilməsi fonunda davam etdirilir.