Məcnun Məmmədov: Aqrar sığorta üzrə fermerlərə 23 milyon manat ödənilib

Azərbaycanda Aqrar Sığorta Fondu indiyədək minlərlə fermer və təsərrüfat sahibinə 23 milyon manat məbləğində sığorta ödənişi edib.
Bunu kənd təsərrüfatı naziri Məcnun Məmmədov bildirib.

Onun sözlərinə görə, iqlim dəyişiklikləri regionda, o cümlədən Azərbaycanda qeyri-sabit hava şəraitinin artması, quraqlıq və daşqınların tez-tez baş verməsi ilə özünü göstərir.

“İqlim dəyişikliklərinin ən çox təsir etdiyi sahə kənd təsərrüfatıdır. Azərbaycanda bu riskləri sığortalamaq və aqrar sektoru iqlim dəyişikliklərinin fəsadlarından qorumaq məqsədilə aqrar sığorta mexanizmi yaradılıb”, - nazir qeyd edib.

Gülnar Nazimqızı