Azərbaycan Ordusunun iki hərbçisi Kəlbəcərdə minaya düşüb

Mayın 11-də Azərbaycan Ordusunun hərbi qulluqçuları Hüseynov Məhəmməd Əlibaba oğlu və Qaflanov Kamil Cəmil oğlu xidməti vəzifələrini yerinə yetirərkən Kəlbəcər rayonu ərazisində minaya düşüblər.Bu barədə Azərbaycanın Müdafiə Nazirliyi məlumat yayıb.

Nazirlik bildirib ki, hərbi qulluqçular yaxınlıqdakı tibb müəssisəsinə çatdırılıb, onlara ilkin tibbi yardım göstərilib və vəziyyətləri stabildir.Hazırda onların müalicəsi hərbi tibb müəssisəsində davam etdirilir.

Faktla bağlı araşdırma aparılır.