Aeroportla Bakının əsas məntəqələri arasında WUF13 şattl avtobusları hərəkət edəcək

Bakıda keçiriləcək 13-cü Ümumdünya Şəhərsalma Forumu (WUF13) çərçivəsində mayın 12-dən etibarən Heydər Əliyev Beynəlxalq Aeroportu ilə şəhərin əsas məntəqələri arasında xüsusi şatl avtobusları fəaliyyət göstərəcək.Bu barədə WUF13 Azerbaijan təşkilat komitəsi məlumat yayıb.

Məlumata görə, forum iştirakçıları üçün altı xüsusi hava limanı marşrutu təşkil olunacaq: “28 May”, “Nərimanov”, “İzmir”, “Şıx”, “İçərişəhər” və “Sea Breeze”.

Bildirilib ki, mayın 15-dən etibarən “Nərimanov” marşrutu WUF13-ün keçiriləcəyi məkana birbaşa əlaqə təmin edəcək.

Şatl xidmətlərinin forumun nəqliyyat qovşaqlarına, yerləşdirmə zonalarına və tədbir məkanına çıxışı asanlaşdıracağı qeyd olunub.

Şatllar akkreditasiyadan keçmiş iştirakçılar üçün sutka ərzində fəaliyyət göstərəcək və xidmət ödənişsiz olacaq. Akkreditasiya nişanı olmayan iştirakçılar isə onlayn qeydiyyat təsdiqi ilə xidmətlərdən istifadə edə biləcəklər.