Bakıda WUF13 üçün ayrılmış xüsusi zolaqlara daxil olan sürücülər cərimələnəcək

Mayın 15-dən etibarən Bakıda Ümumdünya Şəhərsalma Forumu (WUF13) ilə əlaqədar ayrılan xüsusi hərəkət zolaqlarına daxil olan sürücülər cərimələnəcək.

Səlahiyyətli qurumların məlumatına görə, xüsusi zolaqlara avtobus zolağı statusu verilib və onlar paytaxtın bir sıra əsas küçə və prospektlərində fəaliyyət göstərəcək.

Azərbaycan Yerüstü Nəqliyyat agentliyindən bildirib ki, “yaşıl zolaqlar” adlandırılan bu hissələrə icazəsiz nəqliyyat vasitələrinin daxil olması yol hərəkəti qaydalarının pozulması hesab olunacaq və nəzarət gücləndiriləcək.

WUF13 forumu mayın 17-22-də Bakıda keçiriləcək. Tədbirdə 20 mindən çox iştirakçının qatılması gözlənilir.

N.Təbrizli