Kəlbəcərdə 27 mina hadisəsi qeydə alınıb – Bəşir Hacıyev

2020-ci ildən indiyədək Kəlbəcər rayonunda 27 mina hadisəsi baş verib, nəticədə 8 nəfər həyatını itirib, 43 nəfər isə müxtəlif dərəcəli xəsarətlər alıb. Bunu Bəşir Hacıyev çıxışı zamanı deyib.

O bildirib ki, 2020-ci ilin noyabrından 2026-cı il mayın 12-dək Azərbaycan üzrə mina və partlayıcı sursat hadisələri nəticəsində ümumilikdə 425 nəfər zərərçəkən qeydə alınıb. Onlardan 73 nəfər həlak olub, 352 nəfər isə yaralanıb.

Bəşir Hacıyev qeyd edib ki, işğaldan azad olunmuş ərazilərdə dayanıqlı mühitin formalaşdırılması və reinteqrasiya prosesinin sürətləndirilməsi istiqamətində Kəlbəcərdə genişmiqyaslı layihələr həyata keçirilir. Onun sözlərinə görə, şəhərin birinci yaşayış mərhələsinin tikintisi tamamlanıb və mənzillər istifadəyə verilib, digər yaşayış məhəllələri və kəndlər üzrə layihələndirmə işləri davam edir.

O əlavə edib ki, yol infrastrukturu, enerji təminatı, qazlaşdırma, su təchizatı və təhsil infrastrukturu istiqamətində də mühüm işlər görülür. Həmçinin İstisu mineral su zavodu fəaliyyətini bərpa edib və hazırda illik istehsal gücü bir milyon şüşədən çoxdur.

Aytac