Qanunsuz yolla gətirilmiş külli miqdarda dərman vasitələrinin realizə edilməsinin qarşısı alınıb

Sumqayıt şəhərində yerləşən aptekin anbarında və yük avtomobilində dövlət qeydiyyatından keçməyən 251 adda 44 335 ədəd dərman vasitəsi aşkarlanıb.Bu barədə Dövlət Gömrük Komitəsi (DGK) məlumat yayıb.

Məlumata görə, dərman vasitələri konvolyut, ampul və flakon formasında olub.

DGK bildirib ki, Əməliyyat-İstintaq Baş İdarəsi ilə Bakı Baş Gömrük İdarəsinin Əməliyyat və Təhqiqat İdarəsinin əməkdaşlarının keçirdiyi kompleks əməliyyat-axtarış tədbirləri nəticəsində qanunsuz yollarla ölkəyə gətirilmiş külli miqdarda dərman vasitələrinin realizəsinin qarşısı alınıb.