DİN: ötən gün 44 cinayət törətməkdə şübhəli bilinən şəxs saxlanılıb

Avqustun 19-da ölkə ərazisində qeydə alınan 44 cinayətin, həmçinin əvvəlki dövrlərdən bağlı qalan 10 cinayətin açılması təmin edilib. Bu barədə Daxili İşlər Nazirliyindən bildirilib. 

Axtarışda olan 114 nəfər saxlanılaraq aidiyyəti üzrə təhvil verilib. Onlardan 92 nəfər borclu şəxs qismində axtarışda olub.

Hesabat günündə narkotiklərlə əlaqəli 17 fakt, qanunsuz saxlanılan silah-sursatın aşkarlanması və götürülməsi ilə bağlı isə 8 fakt müəyyən edilib.

Cinayət törətməkdə şübhəli bilinən 44 nəfər saxlanılıb.

Gülnar Nazimqızı