Azərbaycanda iki gündə 90 cinayət açılıb, 84 şübhəli saxlanılıb

Azərbaycanda avqustun 22-23-də polis əməkdaşları tərəfindən ölkə ərazisində qeydə alınan 90 cinayət və əvvəlki dövrlərdən bağlı qalan 6 cinayət açılıb.

Daxili İşlər Nazirliyinin (DİN) Mətbuat Xidmətindən verilən məlumata görə, hesabat dövründə cinayət törətməkdə şübhəli bilinən 84 nəfər saxlanılıb.

Axtarışda olan 79 nəfər, o cümlədən borclu şəxs qismində axtarılan 53 nəfər saxlanılaraq aidiyyəti üzrə təhvil verilib.

Polis əməkdaşları tərəfindən narkotik vasitələrin qanunsuz dövriyyəsi ilə bağlı 42 fakt, qanunsuz saxlanılan silah-sursatın aşkarlanması və götürülməsi ilə bağlı isə 7 fakt müəyyən edilib.

Gülnar Nazimqızı