Ana və iki övladı eyni gündə tələbə oldu

Ağcabədi rayonunun Yuxarı Qiyamədinli kəndində yaşayan Mirzəyevlər ailəsinin üç üzvü – ana və iki övladı – eyni vaxtda ali məktəbə qəbul olunub.

Modern.az xəbər verir ki,39 yaşlı Ülkər Mirzəyeva Sumqayıt Dövlət Universitetinin “Sosial iş” ixtisasına qəbul olunub.

Qızı Məryəm Mirzəyeva 653 balla Bakı Dövlət Universitetinin Hüquq fakültəsində, oğlu Mövlud Mirzəyev isə 570 balla Azərbaycan Dövlət İqtisad Universitetinin (UNEC) Maliyyə fakültəsində təhsil alacaq.