Azərbaycan nefti ucuzlaşıb

Dünya bazarında Azərbaycanın Azeri Light markalı neftinin bir barelinin qiyməti 1,99 dollar və ya 2,05% azalaraq 95,13 dollar olub.

Hərracların nəticələrinə görə, Brent markalı neftin oktyabr fyuçerslərinin qiyməti 92,60 dollar təşkil edib.

Türkiyənin Ceyhan limanında FOB bazasında Azeri Light-ın qiyməti isə 2,08 dollar və ya 2,22% azalaraq 91,62 dollar olub.

Azərbaycanın 2026-cı il dövlət büdcəsində bir barel neftin orta qiyməti 65 dollar hesablanıb. Bu baxımdan hazırkı Azeri Light qiyməti büdcə proqnozundan təxminən 30 dollar yüksəkdir. 2026-cı ilin ilk rübündə Azeri Light-ın orta qiyməti 85,11 dollar olub.

Azeri Light nefti “Azəri-Çıraq-Günəşli” (AÇG) yataqlar blokunun işlənməsi üzrə müqavilə çərçivəsində hasil olunur. Müqavilədə SOCAR-ın payı 35,3%-dir.

Azeri Light-ın indiyədək ən aşağı qiyməti 2020-ci il aprelin 21-də 15,81 dollar, ən yüksək qiyməti isə 2008-ci ilin iyulunda 149,66 dollar olub