"Lufthansa" aviaşirkətinin Dehliyə uçan təyyarəsi Bakıda eniş edib

"Lufthansa" aviaşirkətinin Frankfurt–Dehli marşrutu üzrə uçan LH760 reysi texniki nasazlıq səbəbindən Bakıya məcburi eniş edib.Bu barədə Heydər Əliyev Beynəlxalq Aeroportunun mətbuat xidmətindən məlumat verilib.

Bildirilib ki, aviaşirkətin Boeing 787 tipli hava gəmisinin kapitanı avqustun 25-də Heydər Əliyev Beynəlxalq Aeroportuna məcburi eniş üçün müraciət edib.

Hava gəmisi Bakı vaxtı ilə saat 23:26-da hava limanına təhlükəsiz eniş edib.

Heydər Əliyev Beynəlxalq Aeroportunun aidiyyəti xidmətləri tərəfindən zəruri tədbirlər görülüb, sərnişin və ekipaj üzvlərinin təhlükəsizliyi təmin olunub.