AAYDA sürücüləri yol kənarındakı qoruyucu torlarla bağlı xəbərdar edib

Yol kənarlarında quraşdırılan qoruyucu torların zədələnməsi və ya qırılması yol hərəkəti təhlükəsizliyi üçün ciddi risk yaradır.Bu barədə Azərbaycan Avtomobil Yolları Dövlət Agentliyi (AAYDA) vətəndaşlara müraciətində bildirib.

Qeyd olunub ki, sürətli magistral və ödənişli avtomobil yollarının kənarlarında quraşdırılan qoruyucu dəmir torlar vəhşi və ev heyvanlarının hərəkət hissəsinə çıxmasının qarşısını almaqla yol hərəkəti təhlükəsizliyinin təmin edilməsində mühüm rol oynayır.

Agentlik bildirib ki, bəzi hallarda həmin torların ayrı-ayrı şəxslər tərəfindən zədələnməsi və ya qırılması heyvanların avtomobil yoluna çıxmasına şərait yaradır.

"Bu isə sürücülər üçün gözlənilməz təhlükə yaradır və ağır yol-nəqliyyat hadisələrinin başvermə riskini artırır", - müraciətdə qeyd olunub