Azərbaycanda vergi daxilolmaları 8 ayda 9,2% artıb

2026-cı ilin yanvar-avqust aylarında İqtisadiyyat Nazirliyi yanında Dövlət Vergi Xidmətinin xətti ilə dövlət büdcəsinə 12 milyard 619,1 milyon manat vergi daxil olub ki, bu da ötən ilin eyni dövrü ilə müqayisədə 9,2% çoxdur.

Vergi daxilolmaları üzrə proqnoz 8 ayda 900,1 milyon manat və ya 7,7% üstələnib.

Daxilolmaların 9 milyard 468,7 milyon manatı qeyri-neft-qaz sektorunun payına düşüb. Bu sektordan daxilolmalar illik müqayisədə 1 milyard 34,1 milyon manat və ya 12,3% artıb. Proqnoz isə 281,7 milyon manat və ya 3,1% üstələnib.

Dövlət Vergi Xidmətinin 2026-cı il üzrə dövlət büdcəsinə 16,91 milyard manat vəsait köçürməsi nəzərdə tutulur.

Aytac Zeynalova