Xarici diplomatlar Şuşanın Birinci yaşayış məhəlləsini ziyarət ediblər

Azərbaycanda akkreditə olunmuş diplomatik korpusun Qarabağ və Şərqi Zəngəzurda səfərdə olan nümayəndələri Şuşa şəhərinin Birinci yaşayış məhəlləsini ziyarət ediblər.

"Report" xəbər verir ki, diplomatlar burada aparılan bərpa-tikinti işləri ilə tanış olublar.

Nümayəndələrə məhəllədə yaradılan şərait və həyata keçirilən layihələr barədə məlumat verilib.

Səfər zamanı diplomatları Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev müşayiət edib.

Səfərdə 58 ölkə və 9 beynəlxalq təşkilatdan 150 nümayəndə iştirak edir.