Hörmüz boğazı ilə bağlı İran-Oman danışıqlarının nəticələri açıqlanacaq - Bəqai

Hazırda Hörmüz boğazı İranın nəzarətindədir. Boğazın idarə olunması ilə bağlı Omanla aparılan məsləhətləşmələrin nəticələri barədə açıqlama veriləcək.Bunu İran Xarici İşlər Nazirliyinin sözçüsü İsmayıl Bəqai bildirib.

Onun sözlərinə görə, İran ölkənin təhlükəsizliyini təmin etmək məqsədilə Hörmüz boğazını bağlayıb.

"Bu şəraitdə ölkənin təhlükəsizliyini qorumaq üçün tədbirlər görmək hüququmuz var. İslamabad razılaşmasından sonra boğaz daha təhlükəsiz idi və biz öhdəliklərimizə əməl edirdik. Lakin ABŞ 23 gündən sonra razılaşmanı pozdu", - Bəqai deyib.

O, Hörmüz boğazında yaranmış qeyri-sabitliyin ABŞ-ın hücumlarının nəticəsi olduğunu bildirib.

"Beynəlxalq ictimaiyyət yanacaq qiymətlərinin artmasından narahatdırsa, ABŞ-ı qınamalıdır", - İran XİN sözçüsü əlavə edib.