İsveçdə parlament seçkiləri keçirilir

İsveçdə parlament seçkiləri ilə əlaqədar səsvermə başlayıb.

Yerli KİV-lin məlumatına görə, seçki məntəqələri yerli vaxtla saat 08:00-da (Bakı vaxtı ilə 10:00) açılıb. İlkin nəticələrin səsvermə başa çatdıqdan sonra saat 21:00-da (Bakı vaxtı ilə 23:00) açıqlanacağı gözlənilir.

Seçkilərdə 349 yerlik birpalatalı Riksdaqın deputatları, həmçinin yerli və regional özünüidarəetmə orqanlarına nümayəndələr seçilir.

Baş nazir Ulf Kristerssonun rəhbərlik etdiyi Mülayimlər Partiyası hakimiyyəti qorumağa çalışır. Kristersson ikinci müddətə namizədliyini irəli sürüb.

İsveçdə son rəy sorğuları seçkilərin müxalifətin başçılıq etdiyi mərkəz-sol blokla hakim sağ mərkəzçi blok arasında gərgin mübarizə şəraitində keçəcəyini göstərir.

“Demoskop” analitik agentliyinin avqustun 25-dən sentyabrın 1-dək keçirdiyi sorğuda Sosial-Demokrat İşçi Partiyası, Sol Partiya, Mərkəz Partiyası və Yaşıllar Partiyasının daxil olduğu müxalifət blokunu respondentlərin 50,6 faizi dəstəkləyib. Mülayimlər Partiyası, Liberallar və Xristian Demokratlardan ibarət hakim koalisiyanı isə respondentlərin 47,3 faizi dəstəkləyib.