Lənkəranda yeniyetmə döyülərək komaya salınıb

Azərbaycanın cənub rayonu Lənkəranda 2010-cu il təvəllüdlü yeniyetmə tanışları tərəfindən döyülərək ağır vəziyyətdə xəstəxanaya yerləşdirilib.

Hadisə rayonun Kərgəlan kəndi ərazisindəki yanacaqdoldurma məntəqələrindən birinin həyətində baş verib. Məlumata görə, kənd sakini E.İ. ilə tanışları arasında yaranan mübahisə davaya çevrilib; qarşı tərəf yeniyetməni döyərək başı üstə yerə çırpıb.

Ağır xəsarət alan zərərçəkən dərhal Lənkəran Rayon Mərkəzi Xəstəxanasına çatdırılıb. Dəqiqləşdirilməmiş kəllədaxili travma diaqnozu qoyulan yeniyetmə reanimasiya şöbəsində süni tənəffüs aparatına qoşulub, həkimlər onun vəziyyətini ağır qiymətləndirirlər.