Çindən alınan yeni lokomotivlər beynəlxalq dəhlizlərə cəlb olunur

aparılır.

"Azərbaycan Dəmir Yolları" QSC (ADY) Çinin "CRRC Ziyang Co., Ltd" şirkətindən tədarük edilən AC50 tipli 7 ədəd yeni yük lokomotivini beynəlxalq nəqliyyat dəhlizləri üzrə yük daşımalarına cəlb edir. Bu barədə ADY-nin İctimaiyyətlə əlaqələr şöbəsinin rəhbəri Bəxtiyar Hacıyev məlumat verib.

Bildirilib ki, yüksək dartı qüvvəsinə malik magistral teplovozlar ağırtonnajlı və uzun tərkibli qatarların təhlükəsiz daşınması üçün müasir idarəetmə sistemləri, ikili kompressor və 2 min litrlik sıxılmış hava çəni ilə təchiz olunub. Lokomotivlərin texniki xidmət dövriliyi 90 gün müəyyən edilib və iki teplovozun bir briqada tərəfindən idarə olunması əməliyyat xərclərini optimallaşdırır.

Beynəlxalq Dəmir Yolları İttifaqının (UIC) IIIA səviyyəli ekoloji standartlarına cavab verən hərəkət tərkibi artan tranzit axınının tələbatını ödəməyə hesablanıb. ADY parkın genişləndirilməsi çərçivəsində daha 14 yük lokomotivinin tədarükü üzrə danışıqları davam etdirir.

N. Təbrizli