PAŞA Bankın IPO-sunda 51,3 mln manatlıq səhm yerləşdirilib

 “PAŞA Bank”ın ilk kütləvi səhm təklifi (IPO) çərçivəsində tələb təklifi 29% üstələyib. Bunu “PAŞA Bank”ın İdarə Heyəti sədrinin müavini Bəhruz Nağıyev deyib.

Onun sözlərinə görə, 13 aprel–12 iyun tarixlərində keçirilən IPO-da 17 960 unikal investor iştirak edib, ümumilikdə 20 188 sifariş qeydə alınıb.

Abunəlik məbləği 66,3 mln manat, yekun yerləşdirmə məbləği isə 51,3 mln manat təşkil edib. Ümumilikdə 932 926 səhm yerləşdirilib.

Nağıyev bildirib ki, cəlb olunan vəsaitin 55%-i rəqəmsal, 45%-i isə fiziki kanallar vasitəsilə təmin edilib. Sifarişlərin 81%-i rəqəmsal, 19%-i fiziki kanallar vasitəsilə təqdim olunub.
 

Aytac