PAŞA Bankın kapital adekvatlığı normativ tələbi üstələyir

 “PAŞA Bank”ın I dərəcəli kapitalının adekvatlıq əmsalı 2026-cı ilin iyun ayının sonuna 23,09%, məcmu kapitalın adekvatlıq əmsalı isə 23,06% təşkil edib. Bunu “PAŞA Bank”ın İdarə Heyətinin üzvü, Baş Maliyyə İnzibatçısı Murad Süleymanov deyib.

Onun sözlərinə görə, I dərəcəli kapitalın adekvatlıq əmsalı sistem əhəmiyyətli banklar üçün müəyyən edilmiş 6,5%-lik, məcmu kapitalın adekvatlıq əmsalı isə 12,5%-lik normanı üstələyib.

M.Süleymanov bildirib ki, 2007-ci ildə fəaliyyətə başlayan bank hazırda Bakı və bölgələrdə 4 filial və 5 şöbə ilə xidmət göstərir. Bankda 1 377 əməkdaş çalışır. Onların 43%-ni, rəhbər heyətin isə 27%-ni qadınlar təşkil edir.

O qeyd edib ki, “PAŞA Bank”ın Türkiyədəki “PAŞA Yatırım Bankası” A.Ş.-də 28,21%, Gürcüstandakı “PASHA Bank Georgia” SC-də isə 85,06% mülkiyyət payı var.

“PAŞA Yatırım Bankası” 2015-ci ildə, “PASHA Bank Georgia” isə 2013-cü ildə yaradılıb.

Aytac