PAŞA Bank Gürcüstanın aktivləri açıqlanıb

 “PAŞA Bank Gürcüstan”ın aktivləri 2026-cı ilin ilk yarısında 1,5% artaraq 426,1 milyon AZN təşkil edib. Bunu “PAŞA Bank”ın İdarə Heyətinin üzvü, Baş Maliyyə İnzibatçısı Murad Süleymanov deyib.

Onun sözlərinə görə, iyunun sonuna bankın məcmu kapitalı 84,7 milyon AZN olub ki, bu da 2025-ci ilin sonu ilə müqayisədə 3,8% çoxdur. Müştərilərə verilən ümumi kreditlər 270,6 milyon AZN, müştəri hesabları isə 222,1 milyon AZN təşkil edib.

Süleymanov bildirib ki, 2026-cı ilin ilk yarısında bankın faiz gəlirləri illik müqayisədə 12,6% artaraq 18,1 milyon AZN-ə çatıb. Eyni dövrdə faiz xərcləri 35,8% artaraq 11,2 milyon AZN olub.

O qeyd edib ki, bankın xalis mənfəəti 44,5% azalaraq 1,36 milyon AZN təşkil edib. Bankın əməkdaşlarının sayı isə iyunun sonunda 162 nəfər olub ki, bu da ötən ilin eyni dövrü ilə müqayisədə 12,9% azdır.

Aytac