Azərbaycan XİN Tsxinvalidə keçirilən qondarma “prezident seçkiləri”ni tanımadığını bildirib

Azərbaycan Xarici İşlər Nazirliyi (XİN) Gürcüstanın Tsxinvali bölgəsində keçirilmiş qondarma “prezident seçkiləri” ilə bağlı bəyanat yayıb.

XİN bəyanatda Azərbaycanın Gürcüstanın suverenliyi və ərazi bütövlüyünə dəstəyini bir daha təsdiqləyib.

“Gürcüstanın Tsxinvali bölgəsində keçirilmiş qondarma “prezident seçkiləri”ni, həmçinin onların nəticələrini tanımırıq”, – bəyanatda qeyd olunub.

Qeyd edək ki, qondarma “prezident seçkiləri” sentyabrın 18-də Cənubi Osetiyada keçirilib.