Suraxanıda 32 kiloqram narkotik vasitə aşkarlanıb

Suraxanı rayonunda narkotik vasitələrin qanunsuz dövriyyəsində şübhəli bilinən şəxs saxlanılıb, ondan 32 kiloqram narkotik vasitə aşkarlanıb.

Daxili İşlər Nazirliyindən (DİN) bildirilib ki, Suraxanı Rayon Polis İdarəsinin əməkdaşlarının keçirdiyi tədbirlər nəticəsində M.Buqlov saxlanılıb.

Araşdırma zamanı onun narkotik vasitələri sosial şəbəkələrdə tanış olduğu, şəxsiyyəti istintaqla araşdırılan xarici ölkə vətəndaşından əldə etdiyi müəyyən edilib. Bildirilib ki, M.Buqlov narkotik vasitələri paytaxt ərazisində yaymaq məqsədilə müxtəlif ünvanlara çatdırmağı planlaşdırıb.

Faktla bağlı cinayət işi başlanılıb. Məhkəmənin qərarı ilə M.Buqlov barəsində həbs qətimkan tədbiri seçilib.