İstanbulda narkotiklərlə bağlı 164 nəfər həbs edilib

İstanbulda narkotik vasitələrin qanunsuz dövriyyəsi ilə məşğul olmaqda şübhəli bilinən 164 nəfər həbs edilib.Bu barədə “TRT Haber” xəbər verir.

Əməliyyat İstanbul Baş Prokurorluğunun koordinasiyası ilə həyata keçirilib.

Məlumata görə, küçə satıcılarına qarşı aparılan istintaq çərçivəsində əldə olunan yeni sübutlar əsasında əməliyyat keçirilib.

Məhkəmənin qərarı ilə 164 şübhəli barəsində həbs qətimkan tədbiri seçilib. Daha 13 nəfər barəsində məhkəmə nəzarəti tədbiri tətbiq edilib. İstintaqdan yayınan 3 şübhəli barəsində isə axtarış qərarı çıxarılıb.