Azərbaycan, Qazaxıstan və Özbəkistan arasında yeni əməkdaşlıq xətti formalaşıb

Azərbaycan, Qazaxıstan və Özbəkistan liderlərinin Bakıda keçirilən görüşü üç ölkə arasında yeni geostrateji əməkdaşlıq xəttinin formalaşmasına gətirib çıxarıb. Bu barədə Özbəkistan Ali Məclisi Senatının sədrinin birinci müavini Sadiq Safoyev bildirib.

“Bu, müəyyən mənada möhkəm geostrateji üçbucaq yaratdı. Məncə, bu hadisənin əhəmiyyətini həddindən artıq qiymətləndirmək mümkün deyil”, - Safoyev deyib.

Onun sözlərinə görə, üç ölkə arasındakı əməkdaşlığın dərinləşməsi Mərkəzi Asiyada regional əlaqələrin genişləndiyi bir dövrdə baş verir.

Safoyev bildirib ki, qlobal səviyyədə parçalanma və çoxtərəfli diplomatiyanın zəifləməsi müşahidə edilsə də, Mərkəzi Asiyada bunun əksinə olaraq ölkələr arasında əməkdaşlıq güclənir.

O, Azərbaycanın Mərkəzi Asiya Dövlət Başçılarının Məşvərət Görüşü formatına tamhüquqlu iştirakçı kimi qoşulmasını da regional əməkdaşlığın genişlənməsinin göstəricisi kimi qeyd edib.

Safoyev Mərkəzi Asiyanın iqtisadi artım tempinin də yüksək olduğunu bildirib. Onun sözlərinə görə, regionda ÜDM artımı orta qlobal göstəricidən təxminən üç dəfə yüksəkdir.

Aytac