AJet təyyarəsində partlayıcı maddə xəbərdarlığı: 143 nəfər təxliyə edilib

Ankaradan Şanlıurfaya uçan “AJet” aviaşirkətinə məxsus sərnişin təyyarəsində partlayıcı maddənin olması barədə xəbərdarlıq verilib.Bu barədə “Haber Global” məlumat yayıb.

Məlumata görə, 5 oktyabrda saat 19:00-da Ankaradan yola düşən təyyarə saat 20:05-də Şanlıurfa GAP Hava Limanına təhlükəsiz eniş edib.

Təyyarədə 136 sərnişin və yeddi ekipaj üzvü olmaqla, ümumilikdə 143 nəfər olub. Onların təhlükəsiz təxliyəsi təmin edilib.

Təxliyədən sonra təhlükəsizlik qüvvələri təyyarənin göyərtəsində partlayıcı maddənin olub-olmamasını müəyyənləşdirmək üçün axtarışa başlayıblar.