İtkinlər məsələsidepolitizasiya edilməlidir -Çavuşoğlu

İtkin düşən  şəxslər məsələsi hər şeydən əvvəl humanitar aspektdən nəzərdən keçirilməli və maksimum dərəcədə depolitizasiya edilməlidir. Bunu Türkiyənin sabiq xarici işlər naziri Mövlud Çavuşoğlu Bakıda keçirilən beynəlxalq konfransda bildirilib. 

Onun sözlərinə görə, Azərbaycan və Ermənistan arasında sülh prosesi çərçivəsində itkin düşmüş şəxslər probleminin həlli xalqlar arasında qarşılıqlı etimadın möhkəmlənməsinə və uzunmüddətli sülh üçün möhkəm sosial təməlin yaradılmasına töhfə verə bilər.

Çavuşoğlu hüquqi və institusional mexanizmlərin gücləndirilməsinin, məhkəmə ekspertizası, axtarış və eyniləşdirmə imkanlarının inkişaf etdirilməsinin, eləcə də səmərəli məlumat mübadiləsinin aparılmasının zəruriliyini vurğulayıb.

O qeyd edib ki, sülh danışıqları və sazişləri hərbi əməliyyatlara son qoymaq iqtidarındadır, lakin dayanıqlı sülhün təmin edilməsi üçün mütləq barışıq tələb olunur.

Aytac Zeynalova