Azərbaycan rifah göstəricisinə görə 133 ölkə arasında 57-ci yerdədir

Azərbaycan 2026-cı il Chandler Good Government Index-də əhalinin rifahı göstəricisi üzrə 57-ci yerdə qərarlaşıb.

Azərbaycanın ümumi reytinqdə də mövqeyi 57-ci olub. Ölkənin ən yüksək nəticəsi isə maliyyə idarəçiliyi istiqamətində qeydə alınıb. Azərbaycan bu istiqamət üzrə 133 ölkə arasında üçüncü yeri tutub.

Maliyyə idarəçiliyi üzrə Azərbaycan büdcə profisiti göstəricisində birinci, dövlət xərclərinin səmərəliliyi üzrə 16-cı, dövlət borcu üzrə 26-cı, ölkə risk mükafatı üzrə isə 59-cu yerdə qərarlaşıb.

İndeksin digər istiqamətləri üzrə Azərbaycan liderlik və strateji baxışda 39-cu, qanun və siyasətlərin keyfiyyətində 67-ci, bazar cəlbediciliyində 68-ci, güclü institutlar və beynəlxalq nüfuz sahələrində isə 94-cü yerdədir.

Chandler Good Government Index hökumətlərin bacarıq və səmərəliliyini 7 istiqamət və 35 göstərici üzrə qiymətləndirir. 2026-cı il üzrə ümumi reytinqə Sinqapur başçılıq edir. Norveç ikinci, Danimarka isə üçüncü yerdədir.

Hesabatın məlumatları 2025-ci il dekabrın 1-dək olan dövrü əhatə edir.

Gülnar Nazimqızı