Zidan həbs olundu

Misir yığmasının keçmiş futbolçusu Məhəmməd Zidan həbs olunub. ANS PRESS-in “Eurosport”a istinadən verdiyi xəbərə görə, saxta qəbzdən istifadə edən futbolçu 6 illik həbs cəzası alıb. 31 yaşlı hücumçuya qarşı məhkəmə işi 2013-cü ilin əvvəlində tikinti və şəhərsalma ilə məşğul ərəb şirkəti tərəfindən açılıb. Zidan 2008 və 2010-cu illərdə Afrika xalqları Kubokunu qazanmaqda Misir millisinə kömək edib. O, klub səviyyəsində məşhurluğunu “Verder”, “Hamburq” və “Borussiya” kimi klublarda qazanıb. Futbolçunun sonuncu klubu “Bani Yas” olub.Həbs olunmamışdan əvvəl Zidan “Əl Cəzirə Sport”da idman şərhçisi kimi çalışıb. Futbolçu karyerasını bitirməklə bağlı heç nə deməyib.ANN.Az