Türkiyədə sel nəticəsində ölənlərin sayı altı nəfərə çatıb

Türkiyənin İstanbul və Kocaeli şəhərlərində baş verən sel və daşqınlar nəticəsində ölənlərin sayı 6-ya yüksəlib.Bu barədə “TRT Haber” məlumat yayıb.

Məlumata görə, seldə itkin düşən Türkmənistan vətəndaşı Murad Babacanovun meyiti tapılıb. Kocaelidə isə daha bir nəfərin meyiti 13 saat davam edən axtarışlardan sonra aşkarlanıb.

Bölgədə itkin düşən digər şəxslərin axtarışı davam etdirilir.

Qeyd edək ki, Türkiyənin bəzi şəhərlərində bir neçə gündür davam edən aramsız yağışlar ciddi fəsadlara səbəb olub. Yağışların davam edəcəyi bildirilir.