Bakıda reabilitasiya mərkəzində 2 yaşlı uşağa qarşı zorakılıq iddiası araşdırılır

Bakının Bakıxanov qəsəbəsində yerləşən “Brain Academy”nin filialında autizm spektrli 2 yaşlı uşağa qarşı zorakılıq edildiyi iddia olunur.

Bakues.az xəbər verir ki, bu barədə uşağın yaxını Ramin Balayev məlumat verib.

Onun sözlərinə görə, inkişafı və reabilitasiyası üçün mərkəzə həvalə edilən uşaq fiziki zorakılığa məruz qalıb. Şikayətçinin təqdim etdiyi təhlükəsizlik kamerası görüntülərində mərkəz əməkdaşının uşağın başına və üzünə zərbələr endirdiyi, azyaşlının isə ağladığı görünür.

Uşağın yaxınları hadisədən sonra onun psixoloji vəziyyətinin pisləşdiyini, daha qapalı və qorxaq olduğunu bildiriblər. Ailə hadisəyə görə məsuliyyət daşıyan şəxslərin qanun qarşısında cavab verməsini tələb edir.

Faktla bağlı polis tərəfindən araşdırma aparılır.