Sabah Laçında peşə yarımarkasına start veriləcək

 

Yarımarkada  Laçında fəaliyyət göstərən işəgötürənlər tərəfindən Laçın şəhəri və Laçının Zabux kəndinin əhalisinə peşə istiqamətləri təqdim olunacaq. Həmçinin müxtəlif peşələr üzrə master-klaslar keçiriləcək.

 

Bundan əvvəl Əmək və Əhalinin Sosial Müdafiəsi Nazirlyindən bildirib ki, Qarabağda keçiriləcək peşə kursları  ümumilikdə 12 bölgəni əhatə etməklə kənd təsərrüfatı, tikinti, sənaye, xidmət sahələrini əhatə edəcək.

 

Dövlət Məşğulluq Agentliyi Qarabağa köçən 1500 nəfərin işlə təmin olunduğunu açıqlayıb və bildirib ki, əhalinin ora köçürülməsi davam etdikcə bu say artacaq. 
 
Bundan əvvəl elm və təhsil nazirinin müavini Həsən Həsənov mətbuata açıqlamasında deyib ki, Qarabağda əhalinin köçürülməsi prosesi artıqca oradakı məktəblərdə peşə təmaüllü siniflərin təşkilnə baxılacaq.
 
Noyabrın 28-də  Peşə Təhsili üzrə Dövlət Agentliyinin direktoru Ceyhun Kərəmov açıqlamasında söyləyib ki, 2026-ci ilə qədər Azərbaycanda 16 peşə məktəbi tikiləcək.

Həmin peşə məktəblərinin 8-nin Qarabağda tikilməsi nəzərdə tutulub. 
 
Gülnar Nazimqızı