Avqustun 7-də ölkədə hər evin və ofisin istifadə etdiyi elektrik enerjisinin 106%-i turbinlərin yardımı ilə əldə edilib.

Şotlandiya energetikləri küləyin yardımı ilə ölkənin bir gün ərzində təminatına yetərli olan elektrik enerjisi əldə ediblər. 

Oxu.Az "Independent” qəzetinə istinadən xəbər verir ki, söhbət elektrik enerjisinin əldə edilməsi üçün istifadə edilən külək turbinlərindən gedir. 

Şotlandiya üzərindən güclü küləklərlə müşayiət edilən qasırğa siklonunun keçməsi ilə əlaqədar avqustun 7-də turbinlərin yardımı ilə ölkədə hər evin və ofisin istifadə etdiyi elektrik enerjisinin 106%-i əldə edilib.