Azərbaycan La Liqa matçlarına internetdə baxa biləcək

Avropanın ən iri idman İnternet TV-sində qanuni və ödənişsiz.

İnternet televiziyasında Bundesliqanın ardınca LAOLA1.tv İspaniya La Liqasının yayımı üçün hüquq alıb.

Oxu.Az xəbər verir ki, kanalda cümə günü "Malaqo” və "Sevilya” arasında keçiriləcək oyunla açılacaq futbol üzrə İspaniya çempionatnın bütün oyunlarına baxmaq mümkün olacaq.

Azərbaycan, eləcə də MDB-nin digər ölkələrinin və Baltika tamaşaçıları İspaniyanın ali futbol divizionunun bütün matçlarını izləyə biləcəklər.   

Şənbə günü bir neçə matç baş tutacaq, onlardan "Valensiya” və "Rayo Valekano” arasında matçı qeyd etmək olar. Bazar günü, avqustun 23-də bir neçə komanda görüşəcək:

"Barselona” Superkubokdakı məğlubiyyətinə görə Bilbaonun "Atletiko” komandasından intiqam almağa cəhd edəcək, "Real Madrid” isə Hihonun "Sportinq”i ilə görüşəcək. İspan futbol liqasının 1-ci turu bazar ertəsi avqustun 24-də "Qranada” – "Eybar” arasındakı matç ilə başa çatacaq.

İspaniya stadionlarından ingilis dilində olan birbaşa yayımdan Azərbaycan, Latviya, Litva, Estoniya, Belarus, Qazaxıstan, Qırğızıstan, Moldova, Tacikistan, Ermənistan, Türkmənistan və Özbəkistanın bütün sakinləri zövq ala biləcəklər.