"Anderlext" "Qarabağ"a uduzduguna görə təzminat ödədi

Avropa Liqasının qrup mərhələsində Bakıda "Qarabağ"a 0:1 hesabı ilə uduzan "Anderlext" azarkeşlərinə təzminat ödəyib.

Qol.Az-ın Belçika mətbuatına istinadən verdiyi xəbərə görə, bu barədə klubun meneceri German van Holsbek məlumat verib.

Klub rəsmisi komandanın "Qarabağ"la oyun üçün Bakıya uzun yol qət edən azarkeşlərə jest etdiyini bildirib. Bakıya səfər edən "Anderlext"in 53 fanatına maddi təzminatla yanaşı, futbolçuların imzaları olan formalar verilib. Eyni zamanda onlar Silvio Proto, Yuri Tilemans və Stefano Okakanın müşayəti ilə klubun bazasını ziyarət etmək imkanı qazanıblar.

Qeyd edək ki, həmin azarkeşlərə "Tottenhem"lə səfər matçının biletləri 34 avro (təqribən 39 manat), "Monako" ilə oyunun biletləri 12 avro (təqribən 14 manat), "Qarabağ"la Belçikadakı oyunun biletləri isə cəmi 4 avroya (4,65 manat) satılacaq.
www.ann.az