“Real” Benitesi istefaya göndərə bilər

Madrid "Real”ına yaxınlığı ilə tanınan "Marca” qəzeti sensasiyalı iddia irəli sürüb.

Qol.Az xəbərinə görə, qəzet yazıb ki, klub rəhbərliyi bu mövsümün əvvəli baş məşqçi vəzifəsinə gətirdiyi Rafael Benitesi vaxtıdan əvvəl istefaya göndərə bilər. Bildirilir ki,  La Liqada "Barselona”ya ağır məğlubiyyət (0:4) klub rəhbəri Florentino Perez və azarkeşlərin səbr kasasını daşırıb.

Qəzet yazıb ki, belə davam etsə, çox yaxın vaxtlarda Benites işdən qovula, onun yerinə Zinəddin Zidan gətirilə bilər.

"Marca” Beniteslə Kriştino Ronaldonun münasibətlərinin soyuq olduğunu da yazıb.

Qeyd edək ki, La Liqada 12 turdan sonra "Real” lider "Barselona”dan 6 xal geri qalaraq 2-ci yeri tutur.